काठमाडौँ । नेपाल प्रेस युनियनको केन्द्रीय अध्यक्ष पदका लागि पत्रकार अनिता विन्दुले आफ्नो उम्मेदवारी घोषणा गरेकी छन् ।
नेपाल टेलिभिजनमा कार्यरत पत्रकार विन्दुले सामाजिक सञ्जाल फेसबुकमार्फत आगामी साउन ६ र ७ गते हेटौँडामा हुने युनियनको नवौँ महाधिवेशनमा केन्द्रीय अध्यक्षमा उम्मेदवारी दिने घोषणा गरेकी हुन् ।
नेपाल पत्रकार महासंघका पूर्वउपाध्यक्षसमेत रहेकी विन्दुले संगठनको प्रमुख नेतृत्वमा पुगेर पत्रकारिता क्षेत्रलाई व्यावसायिक र विश्वसनीय बनाउँदै व्यावसायिक पत्रकारहरुको आत्मसम्मान उच्च बनाउने काममा अहोरात्र खट्ने विश्वास दिलाउने बताएकी छन् ।
यसअघि युनियनका वर्तमान कोषाध्यक्ष सरोज अधिकारीले पनि केन्द्रीय अध्यक्षमा उम्मेदवारी दिने घोषणा गरिसकेका छन् ।
