काठमाडौँ । नेकपा (माओवादी केन्द्र) ले नेपाल राष्ट्र बैंकका गर्भनर महाप्रसाद अधिकारीमाथि छानबिन हुनुपर्ने माग गरेको छ ।
बुधबार प्रतिनिधिसभाको बैठकमा माओवादी केन्द्रकी सांसद रेखा शर्माले गभर्नर अधिकारी नेकपा (एमाले) को अन्तर पार्टी निर्देशन (अपानि) मा अर्थ विभागमा संलग्न आशंका गर्दै सो सम्बन्धमा छानबिन हुनुपर्ने माग गर्नुभयो ।
एमालेको अपानिमा अर्थ विभागमा एम अधिकारी, खोटाङ भनी समावेश छ । गभर्नर अधिकारीको घर पनि खोटाङ नै रहेको जनाइएको छ । त्यसैले एम अधिकारी नै गभर्नर अधिकारी भएको आशंका गरिएको छ ।
सांसद शर्माले नेपाल राष्ट्र बैंकको ऐनविपरीत भएको भन्दै गभर्नरमाथि छानबिन हुनुपर्ने भाग गर्नुभएको हो ।
