काठमाडौँ । जनता समाजवादी पार्टी (जसपा) का अध्यक्षद्वय डा. बाबुराम भट्टराई र उपेन्द्र यादवले बेग्ला बेग्लै बैठक बोलाएका छन् । दुवै पक्षले बैठक बोलाएपछि पार्टी विभाजनको प्रक्रिया पनि सुरु भएको छ ।
काठमाडौँको जडीबुटीस्थित एक ब्याङ्क्वेटमा बाबुराम भट्टराईले आज केन्द्रीय समितिको विस्तारित बैठक बोलाएका छन् । बैठकमा ६५ भन्दा बढी केन्द्रीय सदस्यको उपस्थिति रहेको बताइएको छ ।
मन्त्रिमण्डल हेरफेरमा बाहिरिएका पूर्वमन्त्री महिन्द्रराय यादव पनि बाबुरामले बोलाएको बैठकमा उपस्थित भएका छन् ।
