काठमाडौं । निजामती कर्मचारी अस्पताल (सिभिल)को आँखा विभागको सुदृढीकरण गर्न तिलगंगा आँखा प्रतिष्ठान संग सम्झौता भएको छ ।
सम्झौता अनुसार प्रतिष्ठानले निजामती कर्मचारी अस्पतालमा भएको आँखा विभागको सुदृढीकरण गर्न आवश्यक पर्ने तालिम,अनुसन्धान कार्य साथै प्राविधिक सहयोग प्रदान गर्ने साथै अस्पताल र प्रतिष्ठान बिच उपचार सेवामा बिरामीको सहजीकरणको लागि रिफर गर्ने उल्लेख छ ।
सम्झौता पत्रमा निजामती कर्मचारी अस्पतालको तर्फबाट कार्यकारी निर्देशक प्रा। डा. विधान निधि पौडेल र तिलगंगा आँखा प्रतिष्ठानको तर्फबाट प्रमुख कार्यकारी अधिकृत डा. रीता गुरुङ्गले हस्ताक्षर गनुभएको थियो ।
