काठमाडौं । नेपालको चारदिने भ्रमणमा रहनुभएका चिनियाँ कम्युनिष्ट पार्टीका विदेश विभाग प्रमुख लिउ जियान्चाओ र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच भेटवार्ता भएको छ ।
आज सोमबार दिउँसो प्रचण्ड निवास खुमलटारमा अध्यक्ष प्रचण्डसँग लिउले भेट गर्नुभएको हो ।
भेटमा चिनियाँ प्रतिनिधिमण्डलसहित माओवादीका तर्फबाट कृष्णबहादुर महरा, नारायणकाजी श्रेष्ठ, देव गुरुङ, वर्षमान पुन, पम्फा भुसाल सहभागि हुनुहुन्थ्यो ।
अध्यक्ष दाहालले चिनियाँ पाहुनाको सम्मानमा रात्रीभोज आयोजना गर्ने कार्यक्रम छ । लिउले राष्ट्रपति विद्यादेवी भण्डारी, नेकपा एमालेका अध्यक्ष केपी शर्मा ओली, एकीकृत समाजवादीका अध्यक्ष माधव कुमार नेपाल लगायतका नेताहरुसँग पनि भेट गर्नुहुनेछ । ८ सदस्यीय चिनियाँ टोली बुधबार राती स्वदेश फर्कने छ ।
