काठमाडौं । बाजुराको बुढीगंगा नगरपालिका नेतृत्वका लागि बिहीबार सम्पन्न मतदानको गणना सुरू भएको छ ।
आजै बिहान सर्वदलीय बैठक बसेको थियो । उक्त बैठकपछि वडा नम्बर ५ मा रहेको भानोदय माविमा मत गन्न थालिएको हो ।
वैशाख ३० गते सम्पन्न भएको निर्वाचनमा धाँधली भएको भन्दै निर्वाचन आयोगले बुढीगंगामा पुनः मतदान गराउने निर्णय गरेको थियो ।
बिहीबार सम्पन्न निर्वाचनमा ६६.८३ प्रतिशत मत खसेको थियो । एमालेबाट प्रमुखको उम्मेदवारमा रामबहादुर बानिया र गठबन्धनबाट रंग खाती रहेका छन् ।
उपप्रमुखमा एमालेबाट मनाकुमारी खड्का र गठबन्धनबाट रिता शाही चुनावी मैदानमा छन् ।
