काठमाडौं । संघीय संसद प्रतिनिधिसभाको बैठक आज बस्दैछ । संसद बैठक दिनको दुई बजे बस्नेगरि बोलाईको छ । आजको बैठकमा लामो समयदेखि विवादमा परेर अघि बढ्न नसकेको नागरिकता विधेयक सरकारले फिर्ता लिने कार्यसुची समेत रहेको छ ।
आजको सम्भावित कार्यक्रममा व्यवस्थापन कार्यमा गृहमन्त्री बालकृष्ण खाणले ‘नेपाल नागरिकता (पहिलो संशोधन) विधेयक, २०७५’ फिर्ता लिने प्रस्ताव गर्ने भएका छन् ।
यसअघि मन्त्रिपरिषद् बैठकले संसदमा रहेको नागरिकता विधेयक फिर्ता लिने निर्णय गरेको थियो । २०७५ साउन २२ मा विधेयक प्रतिनिधिसभामा दर्ता भएको थियो ।
पछिल्लो समय लोसपा नेपाललगायत तराई मधेस केन्द्रित दलले नागरिकता विधेयक पारित गराउनका लागि सरकारलाई संसद र ज्ञापन पत्र मार्फत झकझकाउँदै आएका छन् । आजको बैठकको सम्भावित कार्यक्रममा प्रधानमन्त्री शेरबहादुर देउवाले मुस्लिम आयोगको वार्षिक प्रतिवेदन आ.व. २०७७ २०७८ पनि पेश गर्नुहुनेछ ।
