काठमाडौँ । नेकपा (माओवादी केन्द्र)का अध्यक्ष पुष्पकमल दाहाल प्रचण्डले सहमतिमा पदाधिकारी टुङ्ग्याउने प्रस्ताव गरेका छन् ।
मंगलबार बिहान बसेको केन्द्रीय कार्यालयको विस्तारित बैठकमा उनले सहमतिमा पदाधिकारीको टुंगोमा पुग्न मतदान नगर्ने शर्त अघि सारेका छन् । बैठक पदाधिकारी, स्थायी समिति र पोलिटब्यूरो समितिलगायतका पार्टी संरचना बनाउनेबारे बसेको थियो ।
बैठकमा नेताहरुले भने जारी केन्द्रीय समितिको बैठकबाटै ती समितिको पदाधिकारी टुंगो लगाउनुपर्ने धारणा राखेको बताइएको छ । बैठकमा बहुमत सदस्यले पदाधिकारीसमेत टुंग्याउनुपर्ने विचार राखेका थिए ।
त्यसपछि अध्यक्ष प्रचण्डले पदाधिकारीको नाम आफूले प्रस्ताव गर्ने र त्यसमा सहमति भए मतदानमा भने जान नहुने शर्त राखेका थिए ।
