काठमाडौँ ।राष्ट्रपति बिद्यादेवी भण्डारीले नव नियुक्तमन्त्रीहरु लाई पद तथा गोपनीयताको शपथ गराउनु भएको छ । राष्ट्रपति कार्यलयमा आयोजित एक कार्यक्रममा उहाँहरुलाई पद तथा गोपनीयताको सपथ गराईएको हो ।
भौतिक पूर्वाधार मन्त्रीमा मोहम्मद इस्तियाक राई, कृषि तथा पशुपन्छी मन्त्रीमा मृगेन्द्रकुमार सिंह र वन मन्त्रीमा प्रदीपकुमार यादव नियुक्त हुनु भएको छ । प्रधानमन्त्री शेरबहादुर देउवाले जनता समाजवादी पार्टी (जसपा)का तीन नयाँ मन्त्री समावेश गरेर मन्त्रिपरिषद हेरफेर र कार्यविभाजन गर्नुभएको हो ।
जसपाले कृषिमन्त्री महिन्द्रराय यादव, भौतिक पूर्वाधारमन्त्री रेणुकुमारी यादव र वन तथा वातावरणमन्त्री रामसहायप्रसाद यादवलाई फिर्ता बोलाएर नयाँ सदस्यको नाम प्रधानमन्त्री देउवासमक्ष सिफारिस गरेको थियो ।
