काठमाडौं । अजरबैजान भ्रमणमा रहनुभएका सभामुख अग्निप्रसाद सापकोटा आज स्वदेश फर्किंदै हुनुहुन्छ ।
अजरबैजानमा आयोजित असंलग्न आन्दोलन संसदीय सञ्जालको सम्मलेनमा भाग लिएर उहाँ नेपाल फर्किन लाग्नुभएको हो ।
उक्त कार्यक्रमलाई सभामुख सापकोटाले सम्बोधन गर्नुभएको थियो ।
कार्यक्रममा सहभागी हुन सभामुख सापकोटा नेतृत्वको प्रतिनिधिमण्डल गत मंगलवार अजरबैजान प्रस्थान गरेको थियो ।
