काठमाडौं । पृथ्वी राजमार्ग अन्तर्गत धादिङको गल्छी गाउँपालिका–६ मा बस दुर्घटना हुँदा ३१ जना घाइते भएका छन् ।
काठमाडौंबाट रौतहट जाँदै गरेको प्रदेश ३–०१–००५ ख ९७२९ नम्बरको बस आज बिहान करिब २ बजेतिर दुर्घटनामा परेको हो ।
इलाका प्रहरी कार्यालय गजुरीका अनुसार दुर्घटनामा घाइते भएकाहरुमध्ये सात जनालाई काठमाडौंको ट्रमा सेन्टरमा ल्याइएको र अन्यको गल्छी र आदमघाट अस्पतालमा उपचार भइरहेको छ ।
बस सडकमै पल्टिएको छ । खाल्डाखुल्डीका कारण बस पल्टिएको बताइएको छ ।
