• १४ बैशाख २०८१, शुक्रबार
  •      Fri Apr 26 2024
  •   Unicode
Logo
Latest
★   राप्रपाले निकाल्यो देशभर मसाल जुलुस, गृहमन्त्रीको राजीनामा माग (फोटो फिचर) ★   आमा को हुन् ?  ★   सबैभन्दा धेरै रेमिट्यान्स भित्र्याउने बैंकमा ग्लोबल आइएमई सम्मानित ★   ‘पूर्ण बहादुरको सारङ्गी’मा गायक तथा कलाकार प्रकाश सपुत अनुबन्धित ★   ‘बोक्सीको घर’ प्रदर्शनमा, उत्साहजनक ओपनिङ ★   बहुआयामिक व्यक्तित्व पूर्वमुख्यसचिव स्वर्गीय शाक्य  ★   वन डढेलो र आगलागी नियन्त्रणका लागि सकृय बन्न ७७ वटै जिल्लाका प्रमुख जिल्ला अधिकारीलाई गृहमन्त्रीको… ★   किसानको पीडा: आगोले गहुँबाली खायो, अब हामीले के खाने ! ★   इलाम २ उपनिर्वाचन: ४८० सेना, सशस्त्र प्रहरी ७१० र १३ सय ६३ जना नेपाल प्रहरी… ★   मेयर बालेनले ल्याए कविता संग्रह

हिमालयन हाइड्रोपावरको आईपीओ खुल्यो



काठमाडौँ — हिमालयन हाइड्रोपावरको प्राथमिक सेयर (आईपीओ)मा सर्वसाधारणका लागि आवेदन खुलेको छ । कम्पनीले १८ लाख ३० हजार ४७२ कित्ता सेयर सर्वसाधारणका लागि बिक्री खुला गरेको जनाएको छ ।

अंकित मूल्य १०० का दरले न्यूनतम १० कित्ता अर्थात १ हजार रुपैयाँको आवेदन दिन सकिने छ ।

आफ्नो बैंक खाता रहेको जुनसुकै शाखा वा सीडीएससीको अनलाइन प्रणालीमार्फत आवेदन दिन सकिनेछ । असार १९ गतेसम्म आवेदन दिन सकिनेछ ।

कम्पनीको शेयर निष्काशन तथा बिक्री प्रबन्धक ग्लोबल आइएमई क्यापिटल रहेको छ । कम्पनीलाई इक्रा नेपालले ‘इक्राएनपी– आइआरबी प्लस’ ग्रेडिङ प्रदान गरेको छ ।

यस कम्पनीको जलविद्युत् केन्द्र कास्की जिल्लाको मादी गाउँपालिकामा रहेको छ । यो ११.८८ मेगावाट क्षमताको आयोजना हो । निर्माण सम्पन्न हुँदा कुल २ अर्ब ६४ करोड ३६ लाख लागत लागेको कम्पनीको वित्तीय विवरणमा उल्लेख छ ।

लगानी फिर्ता हुने अवधि ९.९४ वर्ष छ । यसको विद्युत् लेखनाथ सबस्टेसनमा जोडिएको छ । २०७७ बाटै विद्युत् उत्पादन सुरु भएको यस कम्पनीको चैत मसान्तसम्म प्रतिसेयर आम्दानी ८ रुपैयाँ ३७ पैसा ऋणात्मक छ ।

प्रतिसेयर नेटवर्थ जम्मा ६७ रुपैयाँ ९६ पैसा छ । कम्पनी नोक्सानमा रहेकाले तत्काल प्रतिफल दिन सक्ने अवस्था छैन ।