अमेरिका । नेपाली मुलकी अमेरिकी नागरिक जतन केसी बास्तोला अमेरिकी सेना अन्तरगत जलसेनाको नौसेनाकी कमान्डर बढुवा भएकी छिन् । काठमाडौँ महाराजगंजकी जतन केसी बास्तोला नौसेनाकी कमान्डर पदमा बढुवा भएकी हुन् । सो पदमा पुग्ने उनि पहिलो नेपाली हुन् ।
सन् १९९५ मा अमेरिका उच्च अध्ययनको लागी केसी अमेरिका गएकी थिईन् । गत सेप्टेम्बर १ ,२०२१ मा उनको बढुवा भएको थियो । उनलाई कमान्डर बोर्ड ले छनौट गरे पछि बढुवा भएको उनले बताइन । हाल भर्जिनिया स्थित सेसापिक श्रीमान र आमासंग बस्दै आएकी केसी सन् २००४ मा अमेरिकी नागरिकता लिएकी थिईन् । बास्तोलाले सन् २०१५ मा कबुलियत व्यवस्थापनमा स्नातकोत्तर समेत गरेकी छिन ।
केसीको काम समुन्द्रमा पर्दछ भने त्यसमा पनि ठूला ठूला पानी जहाजमा जानु पर्ने हुन्छ । अहिले सम्म उनले ३ वटा जहाजहरुमा काम गरि सकेकी छिन भने तिनीहरुमा युएसएस चेफी,युएसएस हेरी एस ट्रुम्यान रहेका छन् । हाल उनि युएसएस वास्पमा सहायक आपूर्ति अधिकारीको रुपमा कार्यरत छिन् ।उनको अन्य मुख्य काम भनेको वित्तीय तथा लजिस्टिक बिश्वआपूर्ति गर्नु लगायत पर्दछ । उनि सन् २००६ देखि नौसेनामा भर्ना भएकी हुन् ।उनले नौसेना र समुद्रीसेनामा राम्रो कार्य गरे वापत विभिन्न प्रशंसा पुरस्कार लगायत अन्य धेरै व्यक्तिगत पुरस्कारहरू प्राप्त गरेकी छिन ।
