पोखरा । पोखरा महानगरपालिकाले आगामी आर्थिक वर्षका लागि आफ्नो वार्षिक नीति तथा कार्यक्रम सार्वजनिक गरेको छ ।
महानगर प्रमुख धनराज आचार्यले आजको नगर सभामा नीति तथा कार्यक्रम प्रस्तुत गरेका हुन् ।
कार्यक्रममा पर्यटनलाई नै केन्द्रबिन्दुमा राखिएको छ । पोखरालाई पर्यटकीय राजधानी घोषणा गर्न संघीय सरकारसँग माग गरिसकिएको अवस्थामा पर्यटकको बसाई लम्ब्याउन सकिने गरी व्यवसाय प्रवर्द्धन गरिने जनाइएको छ ।
यस्तै, पोखरा बसपार्कलाई पोखरा ३२ लामे आहालमा स्थानान्तरण गर्ने र हालको बसपार्कलाई ‘सिटी बसपार्क’ का रुपमा विकास गर्न सम्भाव्यता अध्ययन गर्ने महानगरको आगामी वर्षको नीति छ ।
प्लस टु तह अध्ययन सकेका युवा लक्षित कार्यक्रम ल्याउने महानगर प्रमुख आचार्यले बताए ।
[pdf-embedder url=”https://newspolar.com/wp-content/uploads/2022/06/pokhara-mahanagar-NEETI-pdf.pdf” title=”pokhara mahanagar NEETI pdf”]
