काठमाडौं । प्रतिनिधिसभाको अन्तर्राष्ट्रिय सम्बन्ध समितिको बैठक बस्दैछ । बैठकमामा बोल्दै नेपाली सेनाका प्रधानसेनापति प्रभुराम शर्माले अमेरिकालाई सैन्य गठबन्धनका लागि नभई मानवीय सहायताको लागि चिठी लेखेको बताएका छन् ।
प्रधानसेनापति शर्माले अहिले बाहिर नेपाली सेनाले लेखेको पत्र सार्वजनिक भएको छ त्यो सत्य भएको तर चिठी लेख्दैमा सैन्य अलाएन्स नलेखिएको र आफै पनि सैन्य गठबन्धनको खिलापमा रहेको पनि बताए ।
प्रधानसेनापति शर्माले २०७२ को भूकम्पको बेला २७ देशलाई मानवीय सहायता लिएर देशको जनतालाई सहयोग गर्न लेखिएको बताएका छन् ।
बिहीबार अमेरिकी दूतावासलाई सेनाले एसपीपीमा सहभागी हुन लेखेको पत्र भन्दै एक पत्र सार्वजनिक भएको थियो ।
उनले उक्त पत्रको विषयमा कसैलाई दोष दिन नचाहेको समेत बताए ।
