काठमाडौ । प्रधानमन्त्री शेरबहादुर देउवाको आसन्न अमेरिकी भ्रमणलाई लिएर सत्ता गठबन्धनभित्र आशंका उत्पन्न भएको छ ।
सत्ता गठबन्धनको एक प्रमुख घटक नेकपा (माओवादी केन्द्र) ले प्रधानमन्त्रीको अमेरिका भ्रमण रोक्नका लागि राजनीतिक लबिङलाई तीव्र बनएको छ ।
उच्च स्रोतका अनुसार अमेरिकी रक्षा मन्त्रालय र नेपालको रक्षा मन्त्रालयबीच हुने सहमतिको बिषयमा माओवादी केन्द्र सशंकित भएको हो ।
प्रधानमन्त्रीको हैसियतमा भन्दा पनि बढी रक्षामन्त्रीको हैसियतमा भ्रमण हुन खोजेको र विभिन्न सैन्य सम्झौता हुन लागेको भन्दै माओवादी केन्द्रले भ्रमणप्रति असहमति जनाएको हो ।
केही दिनअघि माओवादी केन्द्रका प्रमुख सचतेक देव गुरुङले संसदमा नै प्रधानमन्त्री देउवाको आसन्न अमेरिका भ्रमण शंकास्पद रहेको बताउनुभएको थियो । उहाँले प्रधानमन्त्री देउवा र प्रधानसेनपति प्रभुराम शर्माको अमेरिका भ्रमण आवश्यक नभएको भन्दै रोक्नका लागि माग गर्नुर्भको थियो ।
सोमबार बिहान मात्रै नेकपा ९एमाले०का अध्यक्ष केपी शर्मा ओलीसँग छलफल गर्न माओवादी केन्द्रका नेता नारायणकाजी श्रेष्ठ बालकोट पुग्नुएको थियो ।
एमालेका नेता एवं पूर्वपराराष्ट्रमन्त्री प्रदीपकुमार ज्ञवालीले सदनमा अमेरिका भ्रमण प्रधानमन्त्री देउवाको हो कि प्रधानसेनापतिको हो भनी प्रश्न गर्नुभएको थियो ।
यसैबीच प्रतिनिसिभाअन्तर्गतको अन्तर्राष्ट्रिय सम्बन्ध समितिले अमेरिका भ्रमणका बारेमा जानकारी लिन प्रधानमन्त्री शेरबहादुर देउवा लाई असार ५ गते समितिको बैठकमा बोलाउने भएको छ ।
