काठमाडौँ । अमेरिकी सहायता परियोजना एमसीसी संसद्बाट अनुमोनद गर्ने सम्बन्धमा सत्ता साझेदार दलहरुबीच भएको सहमतिका विषयमा निर्णय गर्न प्रतिनिधिसभा बैठक बस्नुअघि मन्त्रिपरिषद्को बैठक बस्ने भएको छ ।
मन्त्रिपरिषद् बैठक दिउँसो ३ बजे बस्ने भनिएको छ तर कहाँ बस्ने भन्नेबारे स्थान तय गरिएको छैन ।
आज बिहान सत्ता साझेदार दलहरुबीच एमसीसी सम्झौतालाई व्याख्यात्मक टिप्पणीसहित अनुमोदन गर्ने निर्णय भएको थियो । मन्त्रिपरिषद्को बैठकले व्याख्यात्मक टिप्पणीलाई मन्त्रिपरिषद्बाट पारित गर्ने बताइएको छ ।
