काठमाडौ । संसदको अन्तर्राष्ट्रिय सम्बन्ध समितिले आसन्न अमेरिका भ्रमण बारे जानकारी दिन प्रधानमन्त्री शेरवहादुर देउवालाई समितिको बैठकमा बोलाउने भएको छ ।
सोमबार बिहान बसेको समितिको बैठकमा प्रधानमन्त्री देउवालाई बोलाउने निर्णय गरेको हो । समितिको आज बैठकले अमेरिकी उच्च सैन्य अधिकारीको भ्रमण लगायतका बिषयमा जानकारी गराउन परराष्ट्रमन्त्री डा नारायण खड्कालाई बोलाएपनि बिभिन्न कारण देखाउदै मन्त्री खड्का उपस्थित हुनु भएन ।
मन्त्री खड्का उपस्थित नभएपछि समिति सभापति पबित्रा निरौला खरेलले भन्नुभयो ‘अमेरिकी जर्नेलको नेपाल भ्रमणबारे सरकारले जानकारी दिइरहेको छैन । कतिपय भ्रमणबारे परराष्ट्रकै अधिकारी जानकार नभएको पाइएको छ । यो विषयमा छलफल गर्न परराष्ट्र मन्त्रीलाई बोलाइएको थियो तर उहाँ आउन असमर्थ हुनुभयो ।’
