काठमाडौँ । स्थानीयवासीले काठमाडौँको फोहोर फाल्न अवरोध गरेपछि प्रहरीले बल प्रयोग गरेको छ । बल प्रयोग गर्दा संघर्ष समितिका श्रीराम ढुंगानासहित चौध जनालाई प्रहरीले नियन्त्रणमा लिएको बताइएको छ ।
प्रहरीले धर्ना दिएका अन्य व्यक्तिलाई समेत प्रहरीले नियन्त्रणमा लिएको छ । बन्चरेडाँडामा अहिलेसम्म फोहोर नलगे पनि प्रहरीले अहिले विरोध गर्नेहरुलाई नियन्त्रणमा लिने काम गरेको छ ।
सिसडोल र बन्चरेडाँडाको बीचमा रहेको आलेटारमा फोहोर फाल्न नदिने भन्दै स्थानीयवासी धर्ना दिएर बसिरहेका थिए । प्रहरीले त्यहाँबाट मानिसलाई कतै हिँड्न दिएको छैन भने सो ठाउँ वरिपरिका घरमै पुगेर मानिसलाई नियन्त्रणमा लिएको बताइएको छ ।
स्थानीयवासीले फोहोर ल्याउन नदिनका लागि सडक बन्द गर्दै आएका थिए । अहिले त्यहाँ डोजर लगाएर सडक अवरोध हटाउने काम भइरहेको छ ।
