एजेन्सी । भारतमा कोरोना भाइरसले फेरि एकपटक तिब्र गतिमा आक्रान्त पार्न थालेको छ । पछिल्ला केही दिनमा कोरोना संक्रमितको संख्या बढ्दै गएको छ भने बलिउड स्टारहरु पनि कोरोनाको चपेटामा परेका छन् ।
अक्षय कुमार र कार्तिक आर्यनपछि अब अभिनेता आदित्य रोय कपुरलाई पनि कोरोना भाइरसको संक्रमण देखिएको छ ।
पछिल्ला केही दिनयता मुम्बईमा कोरोना भाइरसको संक्रमण बढेको छ ।
जानकारी अनुसार आदित्यमा कोरोनाका सामान्य लक्षण देखिएको छ । त्यसैले उनी छिट्टै निको हुन सक्छन् । यतिबेला आदित्य आफ्नो फिल्म ‘ओमः द ब्याटल विथ इन’ को प्रमोशनमा व्यस्त छन् ।
चलचित्र चाँडै नै रिलिज हुन लागेको र यसको ट्रेलर रिलिजको तयारी पनि भइरहेको छ । तर अभिनेतामा कोरोना पोजेटिभ भएपछि फिल्मको प्रमोशन रोकिन सक्नेछ ।
