• १९ असार २०८१, बुधबार
  •      Wed Jul 3 2024
  •   Unicode
Logo
Latest
★   काखीमुनि प्वाल पारेर मुटुको भल्ब परिवर्तन ★   कोपा अमेरिकाको क्वाटरफाइनल समीकरण पूरा, कुन–कुन टिम पुगे अन्तिम आठमा ? ★   नागढुंगा–नौबिसे सडक दुई रात बन्द हुने, वैकल्पिक मार्ग प्रयोग गर्न अनुरोध ★   नरबहादुर चन्द, जसले सुदूरपश्चिममा हकी स्थापित गराए ★   लोसपाले कांग्रेस–एमाले गठबन्धनलाई समर्थन गर्ने ★   नेपालमा पहिलोपटक एआईको प्रयोगसम्बन्धी अवधारणापत्र तयार ★   हरेक निर्वाचन क्षेत्रमा कम्तिमा ३ र बढीमा ४ योजनामा बजेट विनियोजन गर्नेगरी नीति बनाउनुपर्छः भगवती… ★   ब्ल्याकमेलिङको राजनीतिक नगर्न रविलाई काँग्रेस सांसद बस्नेतको चेतावनी ★   संविधान संशोधन गरेर प्रत्यक्ष निर्वाचित राष्ट्रपति प्रणालीमा जाऔँः राष्ट्रिय सभा सदस्य गौतम ★   अस्पतालबाट डिस्चार्ज भए शत्रुघ्न सिन्हा

बन्द गरियो मेलम्ची सुरुङको ढोका



काठमाडौँ । वर्षायाम सुरु भएपछि मेलम्ची खानेपानी आयोजनाको मुहानबाट सुरुङमा पानी पठाउन बन्द गरिएको छ । सिन्धुपाल्चोकको हेलम्बुस्थित अम्बाथाको सुरुङमा पानी पठाउन बन्द गरिएको हो । वर्षायाममा सुरुङमा क्षति नपुगोस् भनेर सुरुङ बन्द गरिएको आयोजनाले बताएको छ ।

सुरुङमा पानी पठाउन बन्द गरिएपछि काठमाडौँमा मेलम्चीको पानी आउने क्रम रोकिनेछ । सोमबारदेखि नै थोरै थोरै गरेर पानी पठाउन बन्द गरिएको हो । एकपटक सुरुङ बन्द गर्दा समस्या आउनसक्ने आयोजनाको भनाइ छ ।

मेलम्ची खानेपानी विकास समितिले वर्षायाम सुरु भएसँगै सुरुङमा पानी पठाउन बन्द गरिने बताएको थियो । मनसुन सुरु भएसँगै सचेतना अपनाइएको समितिको भनाइ छ ।

गत असार १ गते राति भ्रेमाथाङमा गएको पहिरोले मेलम्ची खानेपानी आयोजनाको मुहानमा क्षतिग्रस्त भएको थियो । सोबेला आएको लेदोसहित आएको बाढीले मुहानमा रहेको आयोजनाको संरचनालाई पुरेको थियो । गरिएको थियो ।

मुहानमा सो बेला खासै क्षति नपुगे पनि आयोजनाको संरचनालाई बाढीले पुरेको थियो । सोअघि चैतको दोस्रो सातादेखि पहिलोपटक मेलम्चीको पानी काठमाडौँमा वितरण गरिएको थियो । असार १ गतेराति आएको बाढीले क्षति पुयाउँदा फेरि काठमाडौंबासीले मेलम्चीको पानी खान पाउने हो की होइन भन्ने द्विविधा थियो ।

यद्यपि गत मंसिरदेखि मुहानमा रहेको ग्रेगान सफा गरेर पुनः गत वैशाखदेखि काठमाडौँमा पानी पठाइएको थियो ।

सुरुङमा पानी पठाउन बन्द गरिएपछि आजदेखि काठमाडौँमा वितरण गरिने खानेपानीको तालिका परिवर्तन गरिएको छ । काठमाडौँ उपत्यका खानेपानी लिमिटेड महाँकालचौर शाखाले मेलम्ची खानेपानी वितरण बन्द भएको सूचना जारी गरेपछि वितरण तालिका परिवर्तन भएको हो ।