काठमाडौं । नेकपा एमालेका सचिव एवं सांसद योगेश भट्टराईले संसदमा अर्थमन्त्रीले ढुक्कसँग बजेट पढ्न पाएको भन्दै नेपालको लोकतन्त्र र संवैधानिक प्रक्रिया परिपक्व भएको बताएका छन् ।
मंगलबार प्रतिनिधिसभामा आगामी आर्थिक वर्षको बजेटमाथि धारणा राख्दै उनले यस्तो बताएका हुन् ।
नेता भट्टराईले भने, ‘माननीय अर्थमन्त्रीज्यूले यो बजेट प्रस्तुत गर्दा उहाँले बोक्नुभएको बजेट वक्तव्यको ब्रिफकेस तोडफोड भएन । संसदमा सांसद बस्ने कुर्सी भाँचिएन । संसदका माइकहरु भाँचिएनन् र शान्तपूर्वक अर्थमन्त्रीज्युले २ घण्टा ५५ मिनेट बजेट बढ्न पाउनुभयो । सायद हाम्रो लोकतन्त्र र संवैधानिक प्रक्रिया परिपक्व हुँदै जाँदैछ । हामी संयमता र धैर्यतातिर जाँदैछौं त्यस अर्थमा म खुशी व्यक्त गर्न चाहन्छु ।’
