एजेन्सी । १५ औं संस्करणको इन्डियन प्रिमियर लिग(आईपीएल)को फाइनल आज (आइतबार) हुँदैछ । फाइनल खेल ८ः१५ बजे अहमदाबादको नरेन्द्र मोदी स्टेडियममा सुरु हुनेछ ।
लिगका ७३ खेल सकिएपछि अब उपाधिको दौडमा उभिएका दुवै टोली च्याम्पियन बन्ने दाउमा छन् ।
१४ वर्षअघि (२००८ मा) लिगमा च्याम्पियन बनेको राजस्थान रोयल्स फेरि इतिहास दोहोर्याउन चाहन्छ । अर्कोतर्फ धेरै दिग्गज टोलीलाई हराएर आफ्नो पहिलो सिजनमै फाइनल खेलेको गुजरात टाइटन्सको टोली पनि सफलताको नयाँ इतिहास रच्ने प्रयास गर्नेछ । हार्दिक र सञ्जुको कप्तानीमा यो पहिलो आईपीएल फाइनल हो र दुबै उपाधि कब्जा रक्षा गर्न चाहन्छन् ।
गुजरातले पहिलो क्वालिफायरमा राजस्थान रोयल्सलाई नै पराजित गरेर फाइनलमा स्थान बनाएको हो भने राजस्थान रोयल्सले प्लेअफमा रोयल च्यालेन्जर्स बैंगलोरलाई हराउँदै गुजरातसँगको भेट पक्का गरेको हो ।
