काठमाडौंः राष्ट्रपति विद्यादेवी भण्डारीले नेपालका विभिन्न कारागारमा बन्दी जीवन बिताइरहेका विभिन्न ८१८ जना बन्दीको कैद मिनाहा गर्नु भएको छ ।
गणतन्त्र दिवस, २०७९ को अवसरमा नेपाल सरकारले गरेको सिफारिस बमोजिम ती कैदी बन्दीको बाँकी कैद मिनाहा भएको हो ।
सर्वोच्च अदालतको आदेशहरु समेतका आधारमा तोकिएको कैद सजाय भुक्तान गरेका तथा असल चाल चलन भएका कैदीबन्दीलाई राष्ट्रिय पर्वका अवसरमा कैद मिनाहा गर्ने प्रचलन रहिआएको छ ।
यसैगरी मन्त्रिपरिषदको यही जेठ १३ गतेको बैठकको सिफारिस बमोजिम उमाकान्त पराजुली समेतका १६ जना कैदीबन्दीको कैद समेत मिनाहा भएको राष्ट्रपतिको कार्यालयले जनाएको छ ।
