काठमाडौं । प्रहरीले धम्क्याएर रकम मागेको आरोपमा सञ्चारकर्मी र विज्ञापन एजेन्सीका गरी सात जनालाई पक्राउ गरेको छ ।
योजनावद्ध तरिकाले पिडितलाई पटक–पटक फोन गरी तथा प्रत्यक्ष भेटी डर, धम्की तथा त्रास देखाई रू. ७ करोड माग गरेको सूचनाको आधारमा कार्यालयबाट खटिएको उपत्यका अपराध महाशाखाको विशेष अनुसन्धान टोलीले शुक्रबार उनीहरुलाई पक्राउ गरेको हो ।
पक्राउ पर्नेमा २१ वर्षीय सुजन आचार्य, २९ वर्षीय टेक विक, २९ वर्षीय धर्मराज थापा, ३३ वर्षीय उमेश भण्डारी, २९ वर्षीया बसन्ता खनाल, ३२ वर्षीय सुरज शर्मा र ३३ वर्षीय श्रवण कार्की रहेका छन् ।
पक्राउ परेका व्यक्तिहरुलाई आपराधिक लाभ मुद्दामा थप अनुसन्धानका लागि जिल्ला प्रहरी परिसर, काठमाडौं पठाईएको र सो सम्बन्धमा थप अनुसन्धान जारी रहेको महाशाखाले जनाएको छ ।
