काठमाडौँ। राष्ट्रिय दलित आयोगका अध्यक्ष देवराज विश्वकर्माले संरचनागत रूपान्तरणविना समावेशिता अपूर्ण रहने बताउनुभएको छ । आज राष्ट्रिय दलित कर्मचारी समाज नेपालद्वारा प्रकाशित ‘समानुपातिक समावेशिता : जेनजी आन्दोलनको अपेक्षा र संरचनात्मक रूपान्तरण’ नामक पुस्तकको विमोचन तथा सम्मान कार्यक्रममा अध्यक्ष विश्वकर्माले समावेशिता केवल सङ्ख्यामा सीमित नभई संरचनागत परिवर्तनसँग जोडिनुपर्नेमा जोड दिनुभयो ।