काठमाडौँ । ‘अकुपाइ बालुवाटार’ नामक अभियान चलाएर युवाहरुले आठ वर्षअघि सौन्दर्य प्रतियोगिताको नाममा बलात्कृत युवतीलाई न्याय दिनका लागि दबाब दिन प्रधानमन्त्री निवास बालुवाटार अगाडि धर्ना दिएका छन् । युवाहरुले स्वतः स्फूर्तरुपमा भेला भई धर्ना दिएका हुन् ।
पीडित युवतीले बुधबार सामाजिक सञ्जाल टिकटकमा सौन्दर्य प्रतियोगिताका एक सञ्चालकले आफूलाई लठ्ठिने चिज भएका पेय पदार्थ खुवाएर बलात्कार गरेको सार्वजनिक गरेकी थिइन् ।
शुक्रबार साँझ सामाजिक सञ्जालमा ‘अकुपाइ बालुवाटार’ कार्यक्रमको आह्वान गरिएको थियो । सामाजिक सञ्जालमा पीडित युवतीको मनोबल कमजोर हुन नदिन र आरोपित व्यक्तिलाई सजाय दिन सो कार्यक्रमको आह्वान गरिएको थियो ।
