काठमाडौं । पार्टी केन्द्रीय कार्यालय सानेपा पुगेर नेपाली कांग्रेसका वरिष्ठ नेता रामचन्द्र पौडेल र उनी पक्षका शीर्ष नेताहरूले आज धर्नामा ऐक्यवद्धता जनाउने भएका छन् ।
कांग्रेस सांसद अमरेश सिंहको संयोजनमा हुने विरोध प्रदर्शनमा वरिष्ठ नेता रामचन्द्र पौडेल र केन्द्रीय सदस्य डा. शेखर कोइरालाले ऐक्यवद्धता जनाउने भएका छन् । प्रदेश २ का युवामन्त्री वीरेन्द्र सिंहले नेपाली कांग्रेस सर्लाहीका कार्यकर्तामाथि दुर्व्यवहार गरेको भन्दै आज विरोध प्रदर्शन हुन लागेको हो ।
लामो समयदेखि क्रियाशील सदस्यता विवाद मिलाउन सर्लाही कांग्रेसका नेता कार्यकर्ताले धर्ना दिइरहेका छन्।
