काठमाडौँ । काठमाडौँ महानगरपालिकामा अहिले छ स्थानबाट मतगणना भइरहेको छ । बिहानसम्म पाँच स्थानबाट मतगणना भइरहेकामा आइतबार दिउँसोदेखि थप एक स्थान थपी वडा नं ३१ को मतगणना सुरु गरिएको मुख्य निर्वाचन अधिकृतको कार्यालयले जनाएको छ ।
यसअघि वडा नं १, २, ३, ४ र ३२ को मतगणना जारी छ । काठमाडौँ महानगरका वडामा मतगणना जारी रहँदा स्वतन्त्र उम्मेदवार बालेन्द्र साहले मेयर पदमा अग्रता बनाइरहेका छन् ।
प्राप्त पछिल्लो मत परिणामअनुसार साहले दुई हजार ८२० मत प्राप्त गरेका छन् । नेकपा एमालेका केशव स्थापितलाई एक हजार ५०७ तथा सत्ता गठबन्धनबाट नेपाली कांग्रेसकी सिर्जना सिंहलाई एक हजार ४४९ मत प्राप्त भएको छ ।
