नेपालका लागि स्वर्ण जितेकी भारत्तोलन खेलाडी सञ्जु चौधरी यो संसारबाट अलबिदा भएकि छिन् । १३औं दक्षिण एसियाली खेलकुदमा नेपालका लागि ऐतिहासिक स्वर्ण जितेकी भारत्तोलन खेलाडी सञ्जु चौधरीले ‘आत्महत्या’ गरेकि हुन् ।
सञ्जुले सोमबार राति आफु बस्ने घरको भुइँतलाको कोठामा सलले पासो लगाएर ‘आत्महत्या’ गरेकी हुन् । उनि प्रशिक्षक सञ्जय महर्जनको घरमा बस्दै आएकी थिइन् । सञ्जुको आत्महत्याले समग्र खेलकुदवृत्त स्तव्ध बनेको छ ।
प्रहरीले सञ्जुको शव पोष्टमार्टमका लागि पाटन अस्पताल पुर्याएको छ । उनिले ६ महिनाअघि मात्र नेपाल प्रहरीको जागीर छोडेकि थिइन् ।
आफ्नो करिअरमा सकारात्मक रहेकि सञ्जु एसियाली खेलकुदका लागि राष्ट्रिय टोलीमा छानिएकी र सफलताको लक्ष्य निर्धारण गरेकी थिइन् । भारत्तोलन खेलाडीको कीर्तिमान राखेकी उनको एसियाली खेलकुदमा शीर्ष पाँचभित्र पर्ने लक्ष्य थियो ।
