काठमाडौं । म्यादी प्रहरीको पोशाक लगाएर भाइरल भिडियो बनाउने १६ वर्षीय नवराज रेग्मीलाई प्रहरीले पक्राउ गरेको छ । १६ वर्षीय नवराज रेग्मी कपिलवस्तु बाणगंगा नगरपालिका–४ का हुन् ।
केहि दिन अघि म्यादी प्रहरीको पोशाकमा उत्तेजक भिडियो बनाएका १६ वर्षीय नवराज रेग्मी यतिबेला फेसबुक, टिकटक, युट्युब सबैतिर भाईरल भएका थिए । प्रहरीका अनुसार म्यादीको पोशाकमा भिडियो बनाएर भाइरल हुने युवक म्यादी प्रहरी होइनन् ।
उनलाई जिल्ला प्रहरी कार्यालय कपिलवस्तुबाट खटिएको टोलीले पक्राउ गरेको हो ।
भिडियोमा उनले आफू म्यादी प्रहरी भएको र भिडियोमा उनले भनेका छन्, ‘सागर, वसन्ते, किस्ने सबहरू नडरा न हो । तेरो दाइ मिदी भइसकेको छ । केटाहरू के खाना मन छ बाटोमै खा न हो बाल भएन, जोइन तान्न मन छ भने पनि तान्दे । लड्न मन लागे लड । कसैलाई हान्न मन छ भने हान्दे, तेरो दाइ छ मिदी । माँ कसम निखिल उप्रेती मेरो नाम नेपालभरि चिन्छ । इन्स्पेक्टर त डराउँछ । नेपालको कानुन डराउँछन् ।’
केहि दिनअघि भाईरल भएको उनको भिडियो:
