काठमाडौं । राष्ट्रिय सभाको बैठकको मिति समय परिवर्तन भएको छ। एमालेको विधान अधिवेशनसँग जुध्ने भएपछि असोज १७ गते १ बजेका बस्नेगरि तय भएको राष्ट्रिय सभाको बैठक अब असोज १८ गते बिहान ११ बस्ने भएको छ ।
नेकपा एमालेले ललितपुरको गोदावरीमा असोज १५, १६ र १७ गते विधान अधिवेशन गर्दैछ। एमालेका सांसदहरू अधिवेशनमा सहभागी हुनुपर्ने भएपछि राष्ट्रिय सभाको बैठकको मिति र समय परिवर्तन गरिएको हो। यद्यपी संघीय संसदका महासचिव भरतराज गौतमद्वारा जारी सुचनामा भने विषेश कारणबस बैठकको मिति परिवर्तन हुन गएको बताईएयको छ ।
त्यस्तै प्रतिनिधि सभाको अर्को बैठक असोज १९ गतेका लागि बोलाईएको छ । आज बसेको बैठकमा एमालेका सांसदहरुको विरोध कायमै रहेको थियो । तर पनि बैठकमा वार्षिक प्रतिवेदन पेशमा प्रधानमन्त्री श्री शेरबहादुर देउवाको तर्फबाट कानुनमन्त्री ज्ञानेन्द्र बहाखदुर कार्कीले 'महालेखा परीक्षकको अन्ठाउन्नौं वार्षिक प्रतिवेदन, २०७८ ' पेश गरेका थिए ।
