एजेन्सी । जर्मन फुटबल क्लब बायर्न म्युनिख च्याम्पियन्स लिगको क्वार्टरफाइनलबाट बाहिरिएको छ ।
घरेलु मैदानमा भएको च्याम्पियन्स लिगको दोस्रो चरणमा स्पेनिस टिम भिल्लारियलसँग १–१ को बराबरीमा रोकिएपछि बायर्नको यस सिजनको च्याम्पियन्स लिग यात्रा क्वाटरफाइनलसम्म रहेको हो ।
भिल्लारियलले समग्रमा २–१ को अग्रतासहित सेमिफाइनलमा स्थान बनायो । पहिलो लेगमा भिल्लारियलले बायर्नलाई १–० ले हराएको थियो । दोस्रो चरणमा ५१ औं मिनेटमा रोर्बेट लेवान्डोवेस्कीको गोलमा बायर्नले घरेलु मैदानमा अग्रता बनाएको थियो ।
तर, अन्तिम मिनेटतिर अर्थात् ८८ औं मिनेटमा सामुएल चुक्वेजेले बराबरी गोल गरेपछि भिल्लारियलको अन्तिम चारको यात्रा निश्चित भएको हो ।
