काठमाडौं । सत्तारुढ गठबन्धनका शीर्ष नेताको बैठक बालुवाटारमा बसिरहेको छ । बैठकमा आगामी बैशाख ३० मा हुने स्थानीय तह चुनावमा दलहरु बीचको तालमेल को खाका र सयुक्त आव्हान पत्र जारी गर्ने बारेमा छलफल भै रहेको जनाईएको छ ।
बैठकमा स्थानीय तह प्रयोजनका लागि तयारी र अनुगमन संयन्त्रको बैठकले गरेका निर्णयबारे पनि छलफल हुने बताइएको छ ।यसै गरी नेपाली कांग्रेसका वरिष्ठ नेता रामचन्द्र पौडेल संयोजकत्वको संयन्त्रको बैठकले पाँच दलीय गठबन्धनले आसन्न स्थानीय तहको निर्वाचनमा आपसी तालमेल गरी गठबन्धनको भावना र आपसी समन्वय गर्दै सहकार्य गरेर अघि बढ्ने निर्णय गरेको थियो ।
प्रमुख प्रतिपक्षदल र अन्य केही दलले उम्मेदबार घोषणा गरिसक्दा पनि सत्ता गठबन्धन भने अलमलमा रहेको छ ।
