काठमाडौं, ३ मंसिर । आदीवासी जनजातिले राजधानीमा मार्चपास गर्ने भएका छन् । आदिवासी जनजाति राष्ट्रिय आन्दोलनको आयोजनामा राजधानीमा आदीवासी जनजातिको मार्चपास हुने भएको हो ।
पौष ४ गते शुक्रबार दिनको १२ बजे देखि नागरिक समाजका अगुवा तथा मानवअधिकारवादी नेता श्री पद्मरत्न तुलाधरको नेतृत्वमा माइतिघर मण्डलादेखि बानेश्वर चोकसम्म मार्चपास गरिने भएको छ ।
पहिचान सहितको संघीयता र संघीयता सहितको संविधानका लागि मार्चपास कार्यक्रम राखिएको आयोजकले जनाएको छ ।
पहिचान सहितको संविधान तोकिएको समयभित्र जारी गर्नका लागि दवाब दिने भन्दै गर्न लागिएको मार्चपासमा सहभागी हुन सङ्घीय समाजवादी पार्टी, नेपाल लगायत आदीवासी जनजाति सम्बद्व नेताहरुले अपिल गरेका छन् ।
