काठमाडौं भदौ ६ – सर्वोच्च अदालतका न्यायाधीश रणबहादुर बमका हत्याका अभियुक्त सञ्जय स्माइली मगरलाई नेपाल प्रहरीले साउदी अरबमा पक्राउ गरी नेपाल ल्याएको छ ।
प्रहरीको सीआइबी टोलीले मगरलाई भारतहुँदै नेपाल ल्याएको हो । नेपालमा हत्या गरी साउदी अरब पुगेका मगरलाई पक्राउ गर्न प्रहरीले इन्टरपोल मार्फत् रेड कर्नर नोटिस जारी गरेको थियो ।
बमको हत्यामा संलग्न चुरेभाबर एकता पार्टीका तत्कालीन उपाध्यक्ष बाबु थापा, सुटर करण चौधरी, प्रेमराज खड्का र दिपक कर्णलाई प्रहरीले गत पुसमै पक्राउ गरिसकेको छ । खड्का धरौटीमा छुटेका छन् भने अरु पुर्पक्षका लागि थुनामा छन् ।
