काठमाडौं– नेपाली काँग्रेसका सहमहामन्त्री डा.प्रकाशरण महतको संयोजकत्वमा गठित नेपाली काँग्रेसको आगामी आर्थिक नीतिसम्बन्धी प्रस्ताव नेपाली काँग्रेसको केन्द्रीय समितिबाट पारित भएको छ । केन्द्रीय समितिमा छलफलमा प्रस्तुत गरिएको सो प्रस्तावमा छलफल पछि सामान्य सुझावसहित पारित भएको नेपाली काँग्रेसले जनाएको छ । सह-महामन्त्री डा. महत संंयोजक रहेको समग्र आर्थिक नीति प्रस्ताव समितिको प्रस्ताव सुझाव समेत समेटेर पारित गरेको छ ।
डा. महतको प्रस्तावमा केन्द्रीय सदस्यहरुले आफ्नो धारणा राखेका थिए । केन्द्रीय सदस्यहरुको सुझावलाई समेटेर प्रस्ताव पारित भएको सह-महामन्त्री एंव समितिका संयोजक डा. महतले जानकारी दिए ।
यो प्रस्ताव कांग्रेसको महासमितिको मंसिर २८ गतेबाट सुरु हुने बैठकमा प्रस्तुत हुनेछ । प्रारम्भिक सस्यौदा केहि साता अघि पत्रकार सम्मेलन गरेर सार्वजनिक गरिएको थियो ।
