काठमाडौं । आज बिहान काठमाडौंमा अत्याधिक चिसो महशुस भएको छ । राजधानि काठमाडौंमा बिहान ५ बजे ३ डिग्री सेल्सियस तापक्रम रहेको जल तथा मौसम पूर्वानुमान महाशाखाले जनाएको छ। यो तापक्रम यस वर्षकै सबै भन्दा कम हो ।
यसअघि काठमाडौंको न्यूनतम तापक्रम ३ दशमलव २ डिग्री रहेपनि शनिबार भने काठमाडौंको तापक्रम ४ डिग्री पुगेको थियो। आज जुम्लाको तापक्रमा माइनस १ डिग्री रहेको छ। शुक्रबार जुम्लाको तापक्रम शून्य दशमलव ८ डिग्री मापन गरिएको थियो।
त्यस्तै जोमसोमको तापक्रम माइनस १ दशमलव ५ डिग्री मापन गरिएको छ भने जिरीको तापक्रमा माइनस एक दशमलव ७ डिग्री सेल्सियस मापन गरिएको छ।
सुदूर पहाडी जिल्ला डडेल्धुराको तापक्रम २ दशमलव २ डिग्री मापन गरिएको छ भने पूर्वी पहाडी जिल्ला ताप्लेजुङमा ५ डिग्री मापन गरिएको छ। विरेन्द्रनगर सुर्खेत र लुम्लेको तापक्रम समान ४ दशमलव ५ डिग्री छ भने धनगढी र ओखलढुंगाको तापक्रम समान ६ दशमदव ८ डिग्री मापन गरिएको छ।
