पर्वत । पर्वतको कुस्मा नगरपालिका वडा नं १ मालढुङ्गामा बस दुर्घटना हुँदा मृत्यु हुनेको संख्या ८ पुगेको छ ।
बिहिबार बिहान म्याग्दीको बेनीबाट नारायणगढ तर्फ हिडेको ग १ ख ६१०८ नम्बरको बस सवा ८ बजे दुर्घटना भएको थियो । उक्त दुर्घनामा परि पर्वत जलजला गाउँपालिका–८ नाग्लीवाङका टिके परियार, उनकी श्रीमती सेती परियार, सोही ठाउँकी शान्ती महत, म्याग्दी पाखापानीका राजेश पुन, विष्णुमाया पुन र बागलुङको कु्ँडुलेकी शान्ती केसीको मृत्यु भएको हो । मृतयु भएका एकको भने अहिलेसम्म परिचय खुल्न नसकेको प्रहरीले जनाएको छ ।
गुडिरहेको बस एक्कासी सडकबाट खस्दा कालीगण्डकी नदी किनारमा रहेको ढुंगामा पुगेको थियो । अहिले सम्म ३४ जना घाइते भएका छन् ।
गम्भीर घाइते ४ जनालाई हेलिकप्टरबाट थप उपचारका लागि पोखरा पठाइएको छ भने थप घाइतेलाई पठाउनका लागि हेलिकप्टर मगाइएको प्रहरीले जनाएको छ ।
