अस्ट्रेलिया । आफ्नै पूर्व कर्मचारीबाट रकम लिएर आरोप लागेकी अस्ट्रेलियाका राजदूत लक्की शेर्पा अस्ट्रेलिया फर्किएकी छिन् ।
आफ्नो दूतावासका पूर्व कर्मचारी बाङछु शेर्पालाई अस्ट्रेलिया लगिदिन्छु भनेर भ्रष्ट्रचार गरेको आरोप लागेपछि अनुसन्धानका लागि शेर्पा नेपाल आएकी थिईन ।
अस्ट्रेलिया फर्कको दुईदिन भईसक्दा पनि शेर्पाले आफ्नो कार्यभार सम्हाल्न दूतावास नपुगेको परराष्ट्र मन्त्रालयले जनाएको छ ।
राजदूत शेर्पाले आफूलाई सन्चो नभएको र केही दिन आराम गर्ने बताएको र कहिलेसम्म फर्किने हुन् थाहा नभएको परराष्ट्र मन्त्रालयले जनाएको छ । दूतावासका कर्मचारीहरूले पनि राजदूत शेर्पा कहिले कार्यालय फर्किने बारेमा अनभिज्ञता प्रकट गरे ।
मन्त्रालयमा बोलाइएपछि अनुसन्धान समिति नै बनाएर छानबिन गरिएको सार्वजनिक भए पनि त्यसको निष्कर्ष अहिलेसम्म बाहिर ल्याइएको छैन ।
मानव तस्करीमा संलग्नता देखिएको भन्दै सरकारले उनलाई राजिनामा दिन सुझाव दिएको थियो । पुसभित्र राजिनामा दिन सुझाव दिइएकोमा अस्वीकार गरि उनी अष्ट्रेलिया गएकी सञ्चारमाध्यमले लेखेका थिए ।
राजदूत शेर्पाले आफूमाथि लागेको आरोपको पटक पटक खण्डन गर्दै आएकी छन् । उनले वाङछु शेर्पाले लगाएको सबै आरोप निराधार र झुटो रहेको दाबी गर्दै आएकी छन् ।
