काठमाडौं । बार्सिलोना स्पेनिस कोपा डेल रे फुटबलको क्वाटरफाइनलमा प्रवेश गरेको छ ।
बिहीबार नाउ क्याम्पमा भएको दोस्रो लेगमा घरेलु टोली बार्सिलोनाले लेभान्टेलाई ३–० गोलले पराजित गर्दै समग्रमा ४–२ गोलअन्तरको जित निकाल्दै क्वाटरफाइनलमा प्रवेश गरेको हो ।
बार्सिलोनाको जितमा औस्माने डेम्बेलेले दुई तथा कप्तान लियोनल मेस्सीले एक गोल गरेका थिए । यसअघिको पहिलो लेगमा २–१ गोलअन्तरको हारको बदला लिने क्रममा खेलको ३०औं मिनेटमा डेम्बेलेले गोल गर्दै बार्सिलोनालाई १–० को अग्रता दिलाएका थिए ।
त्यसको एक मिनेटपनि बित्न नपाउँदै डेम्बेलेले ब्यक्तिगत दोस्रो गोल गर्ददा अग्रता दोब्बर भएको थियो ।
पहिलो हाफमा २–० गोलले अघि रहेको बार्सिलोनाले दोस्रो हाफमा थप एक गोल गर्न सफल भयो । बार्सिलोनाका लागि ५४औं मिनेटमा कप्तान मेस्सीले गोल गरे ।
