काठमाडौं । पहिलो टी–२० क्रिकेट खेलमा न्यूजील्यान्डले पाहुना टोली भारतलाई ८० रनले पराजित गरेको छ ।
वेलिङटनमा न्यूजील्यान्डले दिएको २२० रनको विशाल लक्ष्य पछ्याउँदै ब्याटिङ गरेको भारतले १९.२ ओभरमा सबै विकेटको क्षतिमा १३९ रन समेटिएको हो ।
भारतका लागि महेन्द्रसिंह धोनीले ३९, शिखर धवनले २९ र विजय शंकरले २७ रन बनाए भने अन्य खेलाडी सस्तैमा समेटियो ।
बलिङतर्फ न्यूजील्यान्डका टिम साउथीले तीन विकेट लिए ।
यसअघि टस हारेर पहिले ब्याटिङ गरेको न्यूजील्यान्डले निर्धारित २० ओभरमा ६ विकेट गुमाएर २१९ रनको विशाल योगफल तयार पारेको थियो । न्यूजील्यान्डका लागि ओपनर टिम सेर्फटले उत्कृष्ट ब्याटिङ गर्दै ४३ बलमा ८४ रन बनाए । उनले सात चौका र ६ छक्का प्रहार गरेका थिए ।
त्यस्तै, कुलिन मुनरो र कप्तान केन विलियम्सनले समान ३४–३४ रन बनाए ।
जितसँगै न्यूजील्यान्डले तीन खेलको सिरिजमा १० ले अग्रता बनाएको छ ।
