काठमाडौँ । बार्सिलोनाका प्रशिक्षक अर्नेस्टो भाल्भर्डेले भाल्लाडोडिलविरुद्ध आफूहरूले उत्कृष्ट प्रदर्शन गर्न नसकेको स्वीकार गरेका छन् । गएराति भएको खेलामा भाल्लाडोलिडसँग १–०को कठिन जित निकाल्न आफ्नो स्तरअनुसारको प्रदर्शन गर्न नसक्दा जितका लागि ठूलै सघंर्ष गर्नु परेको स्वीकार गरेका हुन् ।
बार्सिलोनाका प्रशिक्षक अर्नेस्टो भाल्भर्डेले भने, ‘हो, आज पनि हामीले हाम्रो स्तरको खेल पस्किन सेकनौं,’ खेलपछि तनावपूर्ण मुडमा पत्रकारलाई प्रतिक्रिया दिँदै उनले भने, ‘हामीले आफ्नो घरमा उत्कृष्ट खेल खेल्न सक्नुपथ्र्यो ।’
भाल्भर्डेले खेलमा कहिलेकाहीं खराब समय आउने बताउँदै आफूहरू चाँडोभन्दा चाँडो उत्कृष्ट लयमा फर्किन प्रयास गर्ने बताए । ‘आजको खेलबाट म सन्तुष्ट छैन । तर, हामी चाँडोभन्दा चाँडो उत्कृष्ट लयमा फर्किन प्रयास गर्नेछौं,’ भावुक हुँदै उनले भने, ‘३ दिनपछि हुने च्याम्पियन्स लिगको खेल हाम्रा लागि टर्निङ प्वाइन्ट हुनसक्छ ।’
भाल्भर्डेले अब तत्कालका लागि आफूहरू च्याम्पियन्स लिगमा केन्द्रित हुने बताए ।
