धनगढी । काठमाडौँ गोल्डेन्स तेस्रो संस्करणको धनगढी प्रिमियर लिग (डीपीएल) क्रिकेट प्रतियोगिताको क्वालिफायर्समा पुगेको छ।
गोल्डेन्सले रुपन्देही च्यालेन्जर्सलाई १ सय रनले पराजित ७ अंक बटुल्दै क्वालिफायर्समा पुगेको हो । टस जितेर ब्याटिङ गरेको काठमाडौँले निर्धारित २० ओभरमा ७ विकेट गुमाइ १३३ रन बनाएको थियो ।
जवाफमा आएको रुपन्देही १५.१ ओभरमा ३३ रनमै अल आउट भयो। नन्दन यादव ३ ओभरमा ५ रन खर्चेर ३ विकेट लिए। त्यस्तै, ललितनारायण राजवंशी र सूर्य तामाङले २र२ तथा अंकित दबास र योगेन्द्रसिंह कार्कीले समान १–१ विकेट लिए।
प्रदीप ऐरी ४ तथा सन्दीप सुनार, बाबर हायत, पुनित मेहेरा र बिक्रम सोब समान ३ रनमा आउट भए।
विनोद भण्डारीले १ रन मात्रै बनाए ।
यस अघि काठमाडौँको तर्फबाट अंकित दबासले सर्वाधिक ४३ रन बनाए। गौरव तोमार ८ अनिलकुमार साह २३, कप्तान ज्ञानेन्द्र मल्ल १२, मोहम्मद आलाम ११, योगेन्द्रसिंह कार्की १३ रनमा आउट भए।
।
रुपन्देहीका ललित भण्डारी, अनिल खरेल र पुनित मेहेराले समान २–२ विकेट लिए।
यसअघि भएको खेलमा महेन्द्रनगर युनाइटेडले सीवाईसी अत्तरियालाई सात विकेटले पराजित गरेको थियो । विराटनगरको हारसँगै महेन्द्रनगर नेट रनरेटको आधारमा पछि पार्दै प्लेअफमा पुगेको छ ।
