काठमाडौँ । नयाँ शक्ति पार्टीका संयोजक बाबुराम भट्टराईले रेशम चौधरीलाई अविलम्ब रिहा गर्न मागगरेका छन् । उनले टीकापुर घटना राजनीतिक विद्रोह भएको भन्दै रिहा गर्न माग गरेका हुन् ।
सोमबार पार्टी कार्यालयमा आयोजित पत्रकार सम्मेलनमा भट्टराईले राजनीतिक विद्रोहमा भएका घटनालार्ई राजनीतिक रुपमै मिलाउनुपर्ने बताए ।
‘राजनीतिक विद्रोहलाई आपराधिक घटनाका रुपमा ब्यवहार गर्नु अन्यायपूर्ण छ । “भट्टराई”ले भने, टीकापुर विद्रोहलाई राजनीतिक रुपले नै संबोधन गरिनुपर्छ माननिय रेशम चौधरीलगायत सबै अविलम्ब रिहा हुनुपर्छ’ ।
थारु समुदायको राजनीतिक विद्रोहको सोही क्षेत्रबाट रेशम चौधरी निर्वाचित भएपछि जनअनुमोदन भएको पनि नयाँ शक्ति पार्टीले बताएको छ । विगतमा देशमा अनेक राजनीतिक विद्रोह, हिंसा र क्रान्तिहरुलाई राजनीतिक ब्यवहार गरे पनि टीकापुर घटनालाई मात्र आपराधिक रुपमा हेर्न नहुने नयाँ शक्तिले बताएको छ ।
भट्टराईले सरकारले सिके राउतलाई अनावश्यक महत्व दिएको पनि बताए । राउतलाई सरकारले गौतमवुद्ध र पुथवीनारायण शाह पछिको एकमात्र व्यक्तित्व भएको भन्र्दै खण्डन गरे ।
