काठमाडौं । पाँचथरको मिक्लाजुङ गाउँपालिका–३, आरुबोटेमा ९ जनाको सामूहिक हत्या प्रकरणमा मृतकका ज्वाइँ नै संलग्नता रहेको प्रहरीले प्रारम्भिक अनुसन्धानबाट खुलेको छ ।
मिक्लाजुङको वडा नं ८ मा मृतकका ज्वाइँ मानबहादुर माखिमको शव फेला फेला परेपछि हत्यामा उनकै संलग्नता रहेको हुनसक्ने प्रहरीको आशंका गरेको हो
माखिमको शव घटनास्थलबाट पैदल हिँड्दा करिब डेढरदुई घन्टा लाग्ने दूरीमा झुण्डिएको अवस्थामा फेला परेपछि हत्यामा उनकै संलग्नता रहेको हुनसक्ने प्रहरीको भनाइ छ ।
केन्द्रीय प्रहरी प्रवक्ता डीआईजी विश्वराज पोखरेलका अनुसार अहिले जिल्ला प्रहरी कार्यालय, पाँचथरका प्रमुख घटनास्थलतर्फ पुगेको छ ।
पाँचथरका प्रमुख डीएसपी नरेन्द्र कुँवरले घटनामा घाइते भएकी बालिकाको बयान र स्थानीयको भनाइको आधारमा हत्यामा माखिमकै संलग्नता रहेको जानकारी दिए ।
स्थानीयका अनुसार आत्महत्या गर्ने माखिम मृतक ७४ वर्षीय बमबहादुर फियाकका कान्छा ज्वाई हुन् ।