काठमाडौं । प्रधानमन्त्री कप एकदिवसीय क्रिकेट प्रतियोगितामा आर्मीका राजु रिजाल शतक बनाउनबाट चुकेका छन् ।
काठमाडौंको टियु क्रिकेट मैदानमा प्रदेश दुई विरुद्ध उद्घाटन खेलमा ब्याटिङ गरिरेको आर्मीका राजु रिजालले ९० रन बनाएर आउट भए । उनले ९० रन बनाउन १०९ बलको सामना गरि ५ चौका र २ छक्का प्रहार गरेका थिए ।
त्यस्तै, आर्मीका कप्तान विनोद भण्डारीले पनि अर्धशतक बनाएर आउट भएका छन् । विनोदले ६१ बलमा ९ चौका प्रहार गर्दै ६६ रन बनाएर आउट भए ।