विराटनगर । नेकपाका अध्यक्ष एवम् पूर्व प्रधानमन्त्री पुष्पकमल दाहाल प्रचण्डले मुलुक विकास र समृद्धिका लागि अगाडि बढेको अवस्थामा बम आतंक र बन्द हड्ताल गर्नुको औचित्य नभएको बताएका छन् ।
सोमवार विराटनगरमा संचारकर्मीहरुसंग अध्यक्ष दाहालले बम आतंक र बन्द हड्ताल त्यागेर मुलुकको वर्तमान राजनीतिक परिस्थिति र अन्तर्राष्ट्रिय अवस्थाका कारण विप्लव समूहलाई वार्तामा आउनुपर्ने बताए ।
अध्यक्ष दाहालले निर्वाचन ताका भएको समझदारी अनुसार ५ वर्ष सम्म नेकपा नेतृत्वमा सरकार संचालन हुने बताउदै समझदारी अनुसार नै सरकारको नेतृत्व बारे निर्णय हुने बताए ।
मिडिया काउन्सिल बारे सोधिएको प्रश्नमा अध्यक्ष दाहालले पत्रकारहरुले आफैले बनाएको आचारसंहिता पालना गर्ने गरी मिडिया काउन्सिल विधेयकमा आवश्यक परिमार्जन गरिने स्पष्ट पारे ।