दमौली । नेपाली कांग्रेसका केन्द्रीय सदस्य गगन थापाले अहिलेका सरकारका गतिविधिले कम्युनिस्ट सरकारका अबका चार वर्षमा देश बर्बाद गर्ने बताएका छन् ।
स्थापना दिवसका अवसरमा नेविसंघले दमौलीमा आयोजना गरेको प्रशिक्षण कार्यक्रममा बोल्दै थापाले अहिले उद्योग धन्दा बन्द हुन थालेको भन्दै थापाले अबका चार वर्षमा यो संख्या अझै बढ्ने बताए। उनले भने, ‘लेखेर राख्नुस् अबका चार वर्षमा अझ धेरै उद्योग धन्दा बन्द हुँदैछन्।’
उनले चीन बाहेक कम्युनिस्टको नेतृत्व भएको मुलुकले समृद्धि हाँसिल नगरेको जिकिर गरे। नेता थापाले देशमा केही भएन भनेर व्यवस्था परिवर्तन गर्नु नपर्ने भन्दै यही व्यवस्थामा सही विचारले नेतृत्व गरे मात्र देश बदलिने बताए। यसका लागि क्षमता भएका व्यक्तिले नेतृत्व पाउनुपर्ने उनले बताए।
