काठमाडौं । साविक विजेता चिलीलाई हराउँदै पेरु कोपा अमेरिका कप फुटबलको फाइनलमा प्रवेश गरेको छ ।
बिहिबार बिहान भएको खेलमा पेरुले चिलीलाई ३–० गोलले पराजित गरेको हो ।पेरुको जितमा इडिसन फ्लोरेस, योशीमार योटुन र जोस पाउलो गुरेरोले समान एक एक गोल गरेका थिए ।
खेलको २१औं मिनेट मै इडिसन फ्लोरेसले गोल गर्दै पेरुलाई १–० को अग्रता दिलाएका थिए । त्यस्तै खेलको ३८औं मिनेटमा पेरुले २–० को अग्रता कायम गर्यो । उसका लागि योशीमार योटुन गोल गरे । पहिलो हाफ २–० को अग्रता कायम गरेको पेरुले चिलीको पोष्टमा दोस्रो हाफमा एक गोल थप्यो ।
दोस्रो हाफको इन्जुरी समयमा जोस पाउलो गुरेरोले गोल गरे । गुरेरोले पेरुलाई ३–० गोल गर्दै फाइनलमा पुर्याए । त्यसलगत्यै चिलीले पेनाल्टीको मौका खेर फालेको थियो । पेरुका एडुआर्डो भार्गासको प्रहारलाई पेरुका गोलरक्षकले सजिलै विफल पारिदिएका थिए ।
फाइनलमा पेरुले आयोजक ब्राजिलसँग प्रतिस्पर्धा गर्नेछ । यसअघि ब्राजिलले अर्जेन्टिनालाई २–० गोलले हराउँदै फाइनलमा स्थान बनाएको थियो ।